ഞങ്ങളിന്നലെ നാട്ടിലൊരു ഫിലിംഫെസ്റ്റിവല്‍ കളിച്ചു.
അതിന്നിടയില്‍ പെട്ടന്ന്‌ കഞ്ഞീംകറീം കളിച്ച കാലം ഓര്‍മ്മയില്‍ ഫ്‌ളാഷ്‌ബാക്ക്‌ അടിച്ചു.
ഒരു കുറവും വരാതെയായിരുന്നു അന്ന്‌ നാലുകാല്‍പ്പുര വച്ചത്‌. കുന്നിക്കുരുപ്പരുവത്തിലെ ചെറുമണിക്കല്ലരി നന്നായി പാറ്റിക്കൊഴിച്ചിരുന്നു. ചിരട്ടപ്പാത്രത്തില്‍ വേണ്ടത്ര വെള്ളമൊഴിച്ചു തന്നെയാണ്‌ വച്ചത്‌. അടുപ്പിലെത്രയാണ്‌ ചുള്ളികള്‍ ഉന്തിക്കയറ്റിയത്‌? പുകയൂതി വശം കെട്ടു.
എന്നിട്ടും വിളമ്പിയപ്പോള്‍ കല്ലുതന്നെ കടിച്ചു.
ഇന്നലെ രണ്ടാംശനി, പോരാത്തതിന്‌ തോരാമഴയും.
ഒന്നും ചെയ്യാനില്ലാതെ ആളുകള്‍ പ്രദര്‍ശനത്തിന്‌ ഒഴുകിയെത്തുമെന്ന പ്രതീക്ഷയെ കാറ്റെടുത്തു.
എാകദേശം ശൂന്യമായ ഹാളിലിരിക്കുമ്പോള്‍ തീരെച്ചെറിയൊരു കാറ്റില്‍ അന്നത്തെ കളിവീട്‌ തലയില്‍ വീണുകുരുങ്ങിയ അതേ അനുഭവം.